„ერთიანი ნაციონალური მოძრაობის“ მერობის კანიდიდატმა ნიკა მელიამ საკუთარი არჩევანი ჩიტაძის ქუჩაზე გახსნილ საარჩევნო უბანზე დააფიქსირა. მელიამ მხარდამჭერებს საკუთარი არჩევანის დაფიქსირებისკენ კიდევ ერთხელ მოუწოდა:

„ეს ის ცნობილი ჩიტაძის ქუჩაა, ძალიან მნიშვნელოვანი არჩევნებია დღეს, არჩევნები სადაც უნდა განისაზღვროს მომდევნო სამი წლის განმავლობაში თბილისის ბედი, იმედი მაქვს ბევრი თბილისელი გამოჩნდება დღეს საარჩევნო უბნებზე, დღეს უნდა ავირჩიოთ დედაქალაქის მერი, რომელიც იქნება დამოუკიდებელი და იქნება ანგარიშვალდებული იმ ამომრჩევლებთან, რომლებიც თავიანთ არჩევანს აფიქსირებენ. დედაქალაქის მერს არ აქვს უფლება ასოცირდებოდეს ერთ კონკრეტულ პოლიტიკურ ძალასთან“, - განაცხადა ნიკა მელიამ.