„ერთიანი ნაციონალური მოძრაობის“ მერობის კანდიდატმა ნიკა მელიამ გუშინ ტელეკომპანია „იმედის“ გადაცემა „რეაქციაში“ განაცხადა, რომ იუსტიციის სამინისტროდან წამოსვლის შემდეგ, მას ბიძინა ივანიშვილმა „ქართულ ოცნებაში“ გადასვლა შესთავაზა:

„არასდროს მინდოდა ამის თქმა, მითუმეტეს წინასაარჩევნო კამპნიის დროს, მაგრამ უნდა ვთქვა. ახალი წამოსული ვიყავი იუსტიციის სამინისტროდან, როცა „ქართული ოცნების“ ერთ-ერთმა მაღალჩინოსანმა ბატონი ბიძინა ივანიშვილის მესიჯი გადმომცა. დაახლოებით 3 საათი ვისაუბრეთ და შემომთავაზა თანამშრომლობა, მათი გუნდის წევრობა. ადამიანურად, მადლობა გადავუხადე. ირაკლი ღარიბაშვილს არ ვიცნობდი და არც ახლა ვიცნობ, მაგრამ ეს მშვენივრად იცის ირაკლი ღარიბაშვილმაც. როცა თანამდებობას მთავაზობდი და ხელს მიწვდიდი, მაშინ მთაწმინდის გამგებლად ახალი დანიშნული ვიყავი და მას შემდეგ, რაც განვაცხადე, რომ მართლაც არ მაქვს რწმენა უკეთესი ხვალიდნდელი დღისა იმ გუნდისგან, რომელიც დღეს ცენტრალურ ხელისუფლებაშია, ავირჩიე ეს ეკლიანი გზა. დღეს ვარ იმ გუნდის კანდიდატი, რომლის მიმართაც უამრავი კითხვა არსებობს“,- განაცხადა მელიამ.