პრაღაში მიმდინარე შეხვედრები გვიან ღამით საქართველოში დაბრუნებულმა ზურაბ აბაშიძემ შეაჯამა. საქართველოს პრემიერ-მინისტრის სპეციალური წარმომადგენელი რუსეთთან ურთიერთობების საკითხებში გრიგორი კარასინთან შეხვედრას დადებითად აფასებს. მისი თქმით, რუსულ მხარეს ასოცრების ხელშეკრულებასთან დაკავშირებით ამომწურავი ინფორმაცია მიაწოდეს. აბაშიძე რუსეთიდან მოვლენების გამწვავებას არ ელოდება.

„მათი მხრიდან იყო შემოთავაზება, რომ 15 სექტემბრიდან განახლდეს რეგულარული რეისები თბილისსა და მოსკოვს შორის. განხილული იყო სხვა საინტერესო საკითხებიც. რუსმა კოლეგებმა მიიღეს პასუხები იმ კითხვებზე, რაც მათ აინტერესებდათ ასოცირების ხელშეკრულებასთან დაკავშირებით. ისეთი შთაბეჭდილება დამრჩა, რომ ამ თვალსაზრისით განსაკუთრებული პრობლმები არ უნდა იყოს“, - განაცხადა ზურაბ აბაშიძემ.