„არასაპარლამენტო ოპოზიცია“ მეორე ტურში არცერთ კანდიდატას არ უჭერს მხარს

პოლიტიკა - 21:55, 10 Jul, 2014

613

„თავისუფალი საქართველო“ და „ახალი მემარჯვენეები“ მეორე ტურში მხარს არც „ქართული ოცნების“ და არც „ნაციონალური მოძრაობის“ კანდიდატებს არ უჭერს, - ამის შესახებ კახა კუკავას და ფირია ჩიხრაძის მიერ გავრცელებულ ერთობლივ განცხადებაშია ნათქვამი. კოალიციაში მიიჩნევენ, რომ ამ ორ პოლიტიკურ ძალას შორის რეალური და სისტემური სხვაობა აღარ არსებობს.

„ქართულმა ოცნებამ“ სრულად შეინარჩუნა „ნაციონალური მოძრაობის“ მიერ შექმნილი არადემოკრატიული და უსამართლო საარჩევნო სისტემა და ხმების მოპარვის და გაყალბების მექანიზმები კიდევ უფრო მრავალფეროვანი გახადა. არც ხელისუფლებამ და არც ცენტრალურმა საარჩევნო კომისიამ ყურად არ იღო პოლიტიკური პარტიების და არასამთავრობო სადამკვირვებლო ორგანიზაციების არაერთი მოწოდება დაფიქსირებული საეჭვო გარემოებების გამო მთელი რიგი უბნების ხელახლა გადავთლის თაობაზე.

რეალურად, ეს არჩევნები წარმოადგენს კორუფციულ ჯგუფებს შორის გავლენის სფეროების გადანაწილებას.

ეს ვითარება არ გვიქმნის არანაირ მოტივაციას მეორე ტურში რომელიმე პოლიტიკური ძალის კანდიდატის სასარგებლოდ მივიდეთ საარჩევნო უბნებზე და დავაფიქსიროთ ჩვენი პოზიცია. ჩვენი ბლოკი არ აპირებს ამ ფარსში მონაწილეობის მიღებას“, - ნათქვამია განცხადებაში.