უფლებადამცველი ირაკლი კაკაბაძე სოციალური ქსელის მეშვეობით ნიკა მელიასა და დავით ნარმანიას შორის გუშინ გამართულ დებატებს გამოეხმაურა.

"გუშინ ვუყურე დებატებს მერობის კანდიდატებს შორის. რატომღაც მეგონა რომ მელია მოიგებდა - ასეთ შთაბეჭდილებას ტოვებდა მანამდე მისი რეკლამები. თუმცა დებატებზე სხვანაირად გამოჩნდა. ზუგდიდელმა ბიჭმა დათო ნარმანიამ „კარენნოი“ თბილისელ მელიას პირწმინდად მოუგო. იყო ბევრად უფრო საქმიანი, ხალხზე ორიენტირებული და საერთოდ არ იკბინებოდა. მელიას ტრაბახმა თბილისელობით და გამუდმებულმა ღრენამ ძალიან დამღალა.

მე ვფიქრობ, რომ ნარმანია ბევრად უფრო კვალიფიცირებულია მერობაზე და ყველა ჩემს თანამოაზრეს პირდაპირ ვეტყვი, რომ მას მისცეს ხმა. ეს კაცი ბევრად მეტ სიკეთეს მოიტანს ვიდრე ყველა „ნაციონალი ერთად“, ყოველგვარი ღრენისა და კბენის გარეშე“,- წერს ირაკლი კაკაბაძე „ფეისბუქის“ საკუთარ გვერდზე.