რუსულმა სამხედრო ვერტმფრენმა გორის რაიონის სოფლე ფლავს გადაუფრინა. აღნიშნულის შესახებ, რამდენიმე წუთის წინ, „ნიუპოსტს“ ადგილობრივებმა აცნობეს. მათი თქმით, სოფლის თავზე რუსული სამხედრო ვერტმფრენის გადაადგილება ხშირია. ადგილობრივების ცნობით, რუსული სამხედრო ვერტმფრენი სოფლის თავზე ცხინვალი მხრიდან შემოდის და შემდეგ ოკუპირებული ახალგორისკენ გადაადგილდება. აღსანიშნავია ისიც, რომ სოფელი ფლავი ოკუპირებულ ტერიტორიას ესაზღვრება. რამდენიმე თვის წინ საოკუპაციო რეჟიმის წარმომადგენლებმა აღნიშნულ სოფელში, ჯერ მავთულხლართები გაავლეს, მოგვინანებით კი, ე.წ. საზღვრის აღმნიშვნელი აბრები სოფელში დააამონტაჟეს, რის მიღმაც ადგილობრივების ხანავ-სათესი მიწები და საძოვრები მოექცა.

გიორგი ახალკაცი, გორი, "ნიუპოსტი"