საპარლამენტო უმცირესობის ლიდერისთვის თბილისის მერობის კანდიდატებს შორის დებატების ახალი ფორმატი გაუგებარია. დავით ბაქრაძე იმედოვნებს, რომ საზოგადოება იხილავს დებატებს, რომელიც ნათელს გახდის, ვინ რას სთავაზობს ხალხს.

"ჩემთვის ნამდვილად გაუგებარია, რა საჭირო იყო ახალი ფორმატის მოგონება და საერთაშორისო ორგანიზაციების ჩართვა, ისეთი შთაბეჭდილების შეიქმნა – გეგონება, ისრაელის და პალესტინის ლიდერები ხვდებიან ერთმანეთს მოსალაპარაკებლად. ჩემთვის ეს იყო გაუგებარი, ვინაიდან არსებობს კონკრეტული ტელევიზიები, კონკრეტული გადაცემები, კონკრეტული დებატები და ყველა კანდიდატს ჰქონდა ამ გადაცემებში მისვლის და საკუთარი მოსაზრების დაფიქსირების საშუალება. რადგან "ქართული ოცნება" არ არის მზად, რომ ჩვეუელბრივად მივიდეს ტელევიზიაში და იდებატოს, კი ბატონო, ჩვენი კანდიდატი მივა ამ ფორმატში და იმედი მაქვს, რომ დღეს ჩვენი საზოგადოება იხილავს დებატებს, რომელიც კიდევ ერთხელ ნათელს გახდის ვინ რას სთავაზობს ხალხს, ვინ როგორ კანდიდატს სთავაზობს და რომელ კანდიდატს რა გეგმა და რა დამოკიდებულება აქვს თბილისის მიმართ“, - განაცხადა ბაქრაძემ.

თბილისის მერობის კანდიდატებს დავით ნარმანისა და ნიკა მელიას შორის დებატები დღეს გაიმართება.