ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ საქართველოს უშიშროების საბჭოს ყოფილ მდივანთან გიგა ბოკერიასთან შეხვედრის შემდეგ განაცხადა, რომ ნატო აკვირდება საქართველოში მიმდინარე მოვლენებს და იმედს იტოვებს, რომ მაღალჩინოსნების დაკავებები და სასამართლო პროცესები დამოუკიდებლად და პოლიტიკური ჩარევის გარეშე განხორციელდება.

„მე დილით შევხვდი ბატონ ბოკერიას, რომელსაც ძალიან კარგად ვიცნობ, მინდა ხაზი გავუსვა იმ გარემოებას, რომ სამართლებრივ პროცესებში ჩარევა არ უნდა ხდებოდეს და ეს ჩვენი პოზიციაა. ასევე, არ უნდა ჩნდებოდეს ეჭვიც კი, რომ საქმე გვაქვს პოლიტიკურად მოტივირებულ საქმეებთან. ინდივიდუალურ საქმეებზე კი კომენტარს ვერ გავაკეთებ“, - განაცხადა ჯეიმს აპატურაიმ.