„უელსის სამიტზე ვიხილავთ ისეთ გადაწყვეტილებებს, რომელსაც მოჰყვება ნატოს უფრო აქტიური ჩართულობა საქართველოში“, - ამის შესახებ ნატო-ს გენერალური მდივნის წარმომადგენელმა სამხრეთ კავკასიასა და ცენტრალურ აზიაში ჯეიმს აპატურაიმ საქართველოს საგარეო საქმეთა მინისტრთან შეხვედრის შემდეგ განაცხადა.

აპატურაი იმედოვნებს, რომ უელსის სამიტის შემდეგ ქართველების ჩართულობა ალიანსის დისკუსიებში უფრო აქტიური იქნება.

„ჩამოვედი გენერალური მდივნის დავალებით, რომ ვიმუშაო ქართულ მხარესთან ერთად ახალ პაკეტზე. ახლა უნდა განვიხილოთ დეტალები მინისტრებთან ერთად და დარწმუნებული ვარ, ჩვენ ვიხილავთ უელსის სამიტზე ისეთ გადაწყვეტილებებს, რომელსაც მოჰყვება ნატოს უფრო აქტიური ჩართულობა საქართველოში და ქართველების აქტიური მონაწილეობა ალიანსის დისკუსიებსა და პროგრამებში. ამით გაგრძელდება საქართველოს გზა ალიანსისკენ. სამუშაოები კვლავ შესასრულებელია და ნამდვილად იქნება პროგრესი სამიტზე“, - განაცხადა აპატურაიმ.