დღეს ნიკა მელიასა და დავით ნარმანიას შორის დებატები გაიმართება. წამყვანი მამუკა ყუფარაძე დებატების ფორმატსა და დროზე დეტალურ განმარტებას „რუსთავი 2“-თან აკეთებს:

„დებატების საერთო დრო 64 წუთი იქნება. პირველად იქნება 3-3 წუთიანი მისალმება კანდიდატებისგან და შემდეგ თითო-თითო წუთი ექნებათ ტელევიზიებს კითხვის დასასმელად, იქნება 8 მაუწყებლის წარმომადგენელი, კითხვებზე იქნება 2-2 წუთიანი პასუხები კანდიდატების მხრიდან, ასევე ერთმანეთს დაუსვამენ კანდიდატები კითხვებს“, - განაცხადა მამუკა ყუფარაძემ.

დავით ნარმანია და ნიკა მელია დღეს ერთმანეთს სასტუმრო „შერატონში“ საღამოს 20:00 საათზე დაუპირისპირდებიან.