ნატოს გენერალური მდივნის სპეციალური წარმომადგენლის ჯეიმს აპატურაის საქართველოში ვიზიტს უკვე მოჰყვა პირველი შეფასებები ქართველი პოლიტიკოსების მხრიდან.

მმართველ გუნდში აცხადებენ, რომ ჯეიმს აპატურაის ვიზიტით კიდევ ერთხელ დასტურდება საქართველოსა და ჩრდილო ატლანტიკური ალიანსის მჭიდრო კავშირი.

„განვიხილავთ ნატო-ს უელსის სამიტისთვის მზადების მიმდინარეობას და იმ შესაძლო გადაწყვეტილებების პერსპექტივებს, რაც შეიძლება იყოს მიღებული საქართველოსთან დაკავშირებით. ჩვენთვის უმნიშვნელოვანესი და უმთავრესია, რომ საქართველოს მიერ განხორციელებული პროგრესო იყოს ადეკვატურად ასახული იმ გადაწყვეტილებებზე, რომელიც მიიღება სამიტზე“, - განაცხადა ალექსი პეტრიაშვილმა.

საპარლამენტო უმცირესობაში კი ფიქრობენ, რომ ხელისუფლებამ აპატურაის ვიზიტის ფარგლებში მკაფიოდ უნდა დააფიქსიროს, რომ საქართველომ ნატოში გაწევრიანების სამოქმედო გეგმის სტანდარტებს აკმაყოფილებს:

„უკეთესი იქნება საქართველოს მთავრობამ მაქსიმალურად გამოიყენოს ეს ვიზიტი საქართველოს სჭირდება ნატო, საქართველოს სჭირდება წევრობის სამოქმედო გეგმა და საქართველო აკმაყოფილებს იმ სტანდარტებს, რომელიც ამისათვის საჭიროა“, - განაცხადა გოკა გაბაშვილმა.