პრაღაში დღეს მორიგი შეხვედრა გაიმართება ქართულ-რუსული დიალოგის არაფორმალური დიალოგის ფორმატში. გრიგორი კარასინთან შესახვედრად ზურაბ აბაშიძე ჩეხეთში რამდენიმე დღის წინ ჩაფრინდა.

ცნობილია, რომ აბაშიძე-კარასინის რიგით მეშვიდე შეხვედრა სავაჭრო თემას შეეხება და ის თბილისის დროით 12:00 საათზე დაიწყება.

„ასოცირების ხელშეკრულება ეს ის კონტექსტია, რასაც გვერდს ვერ ავუვლით, ჩვენი ხედვით, ასოცირების ხელშეკრულება არანაირად არ მოდის წინააღმდეგობაში იმასთან, რომ ჩვენ ნორმალური სავაჭრო-ეკონომიკური ურთიერთობები გვქონდეს მეზობელ ქვეყნებთან, მათ შორის რუსეთთან, უნდა გაფართოვდეს ჩვენი სავაჭრო-ეკონომიკური ურთიერთობები, თუ არსებობს რაღაც ბარიერი ისიც უნდა მოიხსნას“, - განაცხადა ზურაბ აბაშიძემ.