საქართველოს პრეზიდენტი გიორგი მარგველაშვილი ISAF-ის მისიაში დაღუპული სამხედროების გამო მწუხარებას გამოთქვამს. ამის შესახებ პრეზიდენტის „ფეისბუქის“ ოფიციალურ გვერდზე გავრცელებულ განცხადებაშია ნათქვამი:

„ღრმა მწუხარებას გამოვთქვამ ავღანეთში, ISAF-ის მისიაში მონაწილე ჩეხეთის შეიარაღებული ძალების სამხედრო მოსამსახურეთა დაღუპვის გამო.

მათ მიერ მსოფლიო უსაფრთხოებისა და მშვიდობის უზრუნველყოფისთვის გაღებული მსხვერპლი არასოდეს იქნება დავიწყებული.

საქართველოს მოქალაქეთა და პირადად ჩემი სახელით, გულწრფელად თანავუგრძნობ დაღუპულთა ოჯახებს, ჩეხ ხალხსა და სახელმწიფოს“, - წერს მარგველაშვილი.