„ერთიანი ნაციონალური მოძრაობის“ ცენტრალურ ოფისში გამართულ საგანგებო ბრიფინგზე დავით ბაქრაძემ განაცხადა, რომ სააპელაციო სასამართლოს განცხადებას „ნაციონალური მოძრაობა“ სტრასბურგის სასამართლოში გაასაჩივრებს:

„მსურს გამოვეხმაურო სააპელაციო სასამართლოს გადაწყვეტლებას, არ მიიღოს განსახილველად გიგი უგულავას სარჩელი მისი წინასწარ პატიმრობასთან დაკავშირებით, იმ პირობებში, როდესაც ამ საქმის მიმართ არსებობს ძალიან მაღალი საზოგადოებრივი ინტერესები, იმ პირობებში როდესაც ამ პროცესს ადევნებენ თვალყურს აშშ და ევროკავშირი, ყველაფერ ამის გათვალისწინებით მოსამართლის გადაწყვეტილება წარმოადგენს ძალიან სერიოზულ საფრთხეს, ეს გადაწყვეტილება გააჩენს ბევრ კითხვას უცოხელ პარტნიორებში და ძალიან ნეგატიურად აისახება დემოკრატიაზე. ამ მოსამართლემ თავის დროზე გადაწყვიტა ზეპირი განხილვის გარეშე განეხილა გიგი უგულავას მერობიდან გადაყენების თაობაზე. ის რაც დღეს მოხდა არის სამწუხარო, ეს საკითხი გასაჩივრდება სტრასბურგში და სამართალი იპოვის თავის გზას“, - განაცხადა დავით ბაქრაძემ.