საქართველოს საგარეო საქმეთა მინისტრი მაია ფანჯიკიძე დიდ ბრიტანეთში საქართველოს ელჩად რევაზ გაჩეჩილაძის დანიშვნის ფაქტს ეხმაურება:

“ჩვენ ამ თანამდებობაზე კანდიდატურას დიდხანს ვარჩევდით და მოხარული ვარ, რომ ბატონი რეზო დათანხმდა ლონდონში ჩვენს წარმომადგენელობას. არჩევანი შეჩერდა მასზე, როგორც ძალიან გამოცდილ პროფესიონალზე. აგრემანზე პასუხის მოსვლის შემდეგ, ალბათ, გარკვეული დრო დასჭირდება სავიზო პროცედურებს და ვვარაუდობ, რომ აგვისტოს ბოლოსთვის ელჩი მუშაობას შეუდგება”, – განაცხადა ფანჯიკიძემ.