საქართველოში ევროკავშირის წარმომადგენლის განცხადებას ყოფილი მაღალჩინოსნების დაკავებასთან დაკავშირებით გამოეხმაურნენ ოპოზიციისა და აღმასრულებელი ხელისუფლების წარმომადგენლები.

„ჩვენ ყურადღებით ვუსმენთ ჩვენი ევროპელი პარტნიორების რეკომენდაციებს, რეკომენდაციებს ევროკავშირის მხრიდან, ჩვენ გვსურს, რომ უზრუნველყოფილი იყოს თითოეული ადამიანის უფლება, ამავე დროს გვსურს განვაცხადოთ, რომ თითოეული ადამიანი თანასწორია კანონის წინაშე. ბატონ ფილიპ დიმიტროვთან და ევროკავშირის დელეგაციასთან ძალიან აქტიურად განვაგრძობ მუშაობას“, - განაცხადა ალექსი პეტრიაშვილმა.