აზერბაიჯანის პრეზიდენტმა ილჰამ ალიევმა ედუარდ შევარდნაძის გარდაცვალების გამო მწუხარებას გამოთქვამს. ალევმა სამძიმრის წერილი ექს-პრეზიდენტის ვაჟს, პაატა შევარდბაძეს გაუგზავნა.

"შოკირებული ვარ მამათქვენის გარდაცვალების გამო. ედუარდს შევარდნაძე აზერბაიჯანელი ხალხის დიდი მეგობარი იყო. ის იყო გამოჩენილი სახელმწიფო მოღვაწე, რომელსაც დამსახურებული პატივისცემა და დიდი ავტორიტეტი ჰქონდა მთელს მსოფლიოში, შესანიშნავი ადამიანი, რომელმაც მთელი ძალები მოძმე საქართველოს თავდაუზოგავ სამსახურს მიუძღვნა. ჩვენი მეხსიერებიდან არასდროს გაქრება ჩვენი ხალხების ორი უდიდესი შვილის – ჰეიდარ ალიევისა და ედუარდ შევარდნაძის დიდი მეგობრობა. ამ მძიმე დღეს მიიღეთ ჩემი და ჩემი ოჯახის ღრმა მწუხარება და თანაგრძნობა", - ნათქვამია ილჰამ ალიევის განცხადებაში.