აშშ-ის სახელმწიფო მდივანი ჯონ ქერი საქართველოს ექს-პრეზიდენტის ედუარდ შევარდნაძის გარდაცვალებასთან დაკავშირებით ღრმა მწუხარებას გამოთქვამს.

მისი თქმით, საბჭოთა კავშირის საგარეო მინისტრობის დროს ედუარდ შევარდნაძემ საბჭოთა კავშირის ყოფილ ლიდერ მიხეილ გორბაჩოვთან, აშშ-ის ყოფილ პრეზიდენტ რონალდ რეიგანთან და ყოფილ სახელმწიფო მდივან ჯორჯ შულცთან ერთად, წამყვანი როლი ითამაშა ცივი ომის დასრულებაში.

"ედუარდ შევარდნაძემ შეამცირა ბირთვული კონფრონტაციის რისკი შეიარაღების კონტროლზე მოლაპარაკებებისთვის ახალი სულის ჩადგმით. მან უარი თვქა ძალის გამოყენებაზე ცენტრალური და აღმოსავლეთ ევროპის ქვეყნების წინააღმდეგ. შევარდნაძე იყო საბჭოთა კავშირში რეფორმების მხარდამჭერი. საქართველოს დამოუკიდებლობის აღდგენის შემდეგ ედუარდ შევარდნაძემ შეინარჩუნა პატარა ქვეყნის სუვერენიტეტი და საქართველო ევროატლანტიკური ინტეგრაციის გზაზე დააყენა. ის უდიდესი სახელმწიფო მოღვაწე იყო", - ნათქვამია ჯონ ქერის განცხადებაში.