რუსეთის საგარეო საქმეთა სამინისტრო ედუარდ შევარდნაძის გარდაცვალებასთან დაკავშირებით მწუხარებას გამოთქვამს. ამის შესახებ რუსეთის საგარეო უწყების მიერ გავრცელებულ განცხადებაშია ნათქვამი.

„თბილისში გარდაიცვალა საბჭოთა კავშირის საგარეო საქმეთა მინისტრი 1985-1991 წლებში. ის ხელმძღვანელობდა საბჭოთა კავშირის საგარეო უწყებას გარდამტეხ ეტაპზე და ჩართული იყო გლობალური მასშტაბის ისტორიულ პროცესებში. რუსეთის საგარეო საქმეთა სამინისტროს ხელმძღვანელობა ღრმა მწუხარებას გამოხატავს და სამძიმარს უცხადებს ედუარდ შევარდნაძის ნათესავებსა და ოჯახს", - ნათქვამია უწყების განცხადებაში..

ედუარდ შევარდნაძე 86 წლის ასაკში გარდაიცვალა. მას 13 ივლისს დაკრძალავენ.