საპარლამენტო უმცირესობის ლიდერი დავით ბაქრაძე მოუწოდებს სააპელაციო სასამართლოს, რომ გიგი უგულავას პროცესი საჯაროდ განიხილოს. მისი თქმით, ყოფილი მერის დაკავების საქმეზე ძალიან მაღალი საზოგადოებრივი ინტერესი არსებობს, რისთვისაც მისი გამჭირვალობა აუცილებელია.

“ეს მაღალი საზოგადოებრივი ინტერესი მოიცავს საზოგადოების ინტერესს, არასამთავრობო სექტორის ინტერესს. ჩვენ მოვისმინეთ შეერთებული შტატებისა და ევროკავშირის პოზიცია, რომ ისინი თვალს ადევნებენ ამ პროცესს და ელოდებიან სააპელაციოს გადაწყვეტილებას. ამიტომ, მე მინდა, მოვუწოდო სააპელაციო სასამართლოს, განიხილოს პროცესი საჯარო განხილვით, რათა საზოგადოებას, არასამთავრობოებს, ჩვენს უცხოელ პარტნიორებს - ყველას ჰქონდეს საშუალება საჯარო და ღია განხილვის გზით იქონიოს საკუთარი აზრი, თუ რამდენად კანონიერია გიგი უგულავასთვის აღკვეთის ღონისძიების შეფარდება”, - განაცხადა ბაქრაძემ.