საქართველოს კულტურის მინისტრი გურამ ოდიშარია მისი მოადგილის მიერ სოციალური ქსელის მეშვეობით გავრცელებულ განცხადებას ეხმაურება და აცხადებს, რომ მარგიშვილის განცხადება მისი უწყების პოზიციას არ გამოხატავს:

„ეს მისი მრწამსია და მისი მოქალაქეობრივი ხედვაა, როგორ შეიძლება გააკრიტიკო, ამ ეტაპზე ალეკო მარგიშვილი ასე განიცდის და ასე ხედავს ამ ყევაფერს და აქვს თავისი მრწამსი და თავისი ლოგიკა“, - განაცხადა გურამ ოდიშარიამ.

მარგიშვილმა სოციალურ ქსელ „ფეისბუქზე“ გუშინ თბილისის საქალაქო სასამართლოსთან განვითარებულ მოვლენებზე კომენტარი გააკეთა, სადაც განაცხადა, რომ „მორატორიუმის დასრულების შემდეგ ეს ყოველივე მოფერებად მოეჩვენებათ“.