ჯანდაცვის მინისტრი დავით სერგეენკო გიგი უგულავას დაკავებასა და თბილისის საქალაქო სასამართლოსთან განვითარებულ მოვლენებს ეხმაურება. სერგეენკოს განცხადებით, სასამართლოს მიერ მიღებული გადაწყვეტილების გარკვეული საფუძველი არსებობს:

„რადგან ასეთი გადაწყვეტილება მიღებული იქნა, ალბათ იყო ამის შესაბამისი საფუძველი, უნდა მივცეთ სასამართლოს მუშაობის საშუალება და გადაწყვეტილება განვიხილოთ შემდეგ. რაც შეეხება იმ ინციდენტს რაც მოხდა, როდესაც რამდენიმე ადამიანი დააკავეს, პოლიციისთვიის წინააღმდეგობის გაწევის გამო, მე ვფიქრობ, რომ იქ არ ექნებოდა რიგით პოლიციელს იმის გარკვევის საშუალება, ვინ იყო პარლამენტის წევრი და ვინ არა, რამდენადაც ვიცი როდესაც ეს გაირკვა, ბეჟაშვილი დაუყოვნებლივ გაათავისუფლეს“, - განაცხადა დავით სერგეენკომ.