საქართველოს ენერეგეტიკის მინისტრმა, კახა კალაძემ გუშინ თბილისის საქალაქო სასამართლოსთან მომხდარ ინციდენტთან დაკავშირებით კომენტარი გააკეთა და სამართალდამცავებს კანონის ფარგლებში მოქმედებისკენ მოუწოდა:

„ხულიგნობა მოგეხსენებათ, არავის არ ეპატიება, მითუმეტეს, როდესაც დეპუტატი ბრძანდება პიროვნება. მე მსურს მოვუწოდო პოლიციას, რომ იმოქმედოს კანონის შესაბამისად, ვინც ჩაიდენს დანაშაულს, არ აქვს ნიშვნელობა ეს იქნება თანამდებობის პირი, უბრალო მოქალაქე, ჩვენ ვართ ყველანი თანასწორუფლებიანნი კანონის წინაშე, ვაშენებთ დემოკრატიულ საქართველოს, თავისუფალ სახელმწიფოს, ჩვენთვის პრინციპულად მნიშვნელოვანია ის, რომ აღდგეს სამართლიანობა, ჩვენ კარგად მოგვეხსენება როგორი ძალადობა მიმდინარეობდა ცხრა წლის განმავლობაში, ეს ერთხელ და სამუდამოდ უნდა დასრულდეს“, - განაცხადა კალაძემ.