საქართველოს პრემიერმინისტრი ირაკლი ღარიბაშვილი გიგი უგულავას დაკავების ფაქტს მართლმსაჯულების ზეიმს უწოდებს. ამის შესახებ ღარიბაშვილმა თემის კომენტირებისას განაცხადა:

"ჩემი შეფასება არის შემდეგი - უგულავას დაპატიმრება, რაც მოხდა გუშინ სასამართლოში, ეს არის მართლმსაჯულების ზეიმი. გუშინ საქართველომ კიდევ ერთხელ იხილა დამოუკიდებელი სასამართლო, დამოუკიდებელი მოსამართლის მიერ მიღებული დამოუკიდებელი, ობიექტური და სამართლიანი გადაწყვეტილება. მე მივესალმები სასამართლოს დამოუკიდებლობის განმტკიცებას. ყველამ კარგად ვიცოდთი, რაც ხდებოდა სასამართლოში, როგორც იქცეოდნენ პროკურორები, როგორ ექცეოდა სახელმწიფო საკუთარ მოსამართლეებს. ჩვენ ეს მიდგომა შევცვალეთ", - განაცხადა ღარიბაშვილმა.