კალაძე: უგულავამ და მერაბიშვილმა უნდა აგონ პასუხი ხალხის წინაშე

პოლიტიკა - 22:34, 04 Jul, 2014

2077

საქართველოს ენერგეტიკის მინისტრი, ვიცე-პრემიერი და „ქართული ოცნების“ საარჩევნო შტაბის ხელმძღვანელი კახა კალაძე, თბილისის ყოფილი მერის გიგი უგულავას დაკავების ფაქტს ეხმაურება. კალაძე აცხადებს, რომ უგულავას დაკავება იყო გადაუდებელი პროცედურა.

„სანამ მისი დაკავება მოხდება, მას მიაწოდეს ინფორმაცია დაკითხვის თაობაზე, მაგრამ მან ქვეყნის დატოვება გადაწყვეტა. ამის გარდა არსებობს სხვა საქმეებიც და მას მოუწევს ამ კითხვეზე პაუხის გაცემა, იგივე „იმედის“ საქმზე, „სითი პარკის“ საქმეზე და სხვა“,- განაცხადა კალაძემ გადაცემა ,,რეაქციაში" სტუმრობისას.

ჟურნალისტის კითხვაზე, იყო თუ არა ეს ბიძინა ივანიშვილის პირადი შურისძიება, კალაძე ამბობს, რომ ამ საქმეში ივანიშვილი არაფერი შუაში არ არის.

„უგულავას ირგვლივ ქმნიან მითებს, რომ ვითომ ის არის შეუდრეკელი, რომ მან არ დაუხარა თავი გამოძიებას და ა.შ. ივანიშვილი აქ არაფერი შუაში არ არის. ის რაც უგულავამ მარნეულში გააკეთა, შეუვარდა საოლქო კომისიის თავმჯდომარეს და რასაც ჰქვია თავზე დაახია ოლქის მიერ მიღებული გადაწყვეტილება, ეს არის სისხლის სამართლი დანაშაული“,- აღნიშნა კალაძემ.

კითხვაზე ელოდებით თუ არა, რომ სასამართლო პროცესი უგულავას გათავისულებით დასრულდეს, მინისტრი მოვლენებს არ უსწრებს და ამბობს, რომ მხოლოდ მოსამართლის გადაწყვეტილების შემდეგ იქნება სრულყოფილი კომენტარის გაკეთება შესაძლებელი.

„მის მიმართ არსებობს კონკრეტული თემები და ამ თემებზე მოუწევს კონკრეტულ პასუხის გაცემა, როდესაც ხდება კონკრეტული პირების დაკავება, ოპოზიცის წარმოამდგენლები პოლიტიკურად ფუთავენ საქმეს, ერაბიშვილის დაკავების დროსაც იგივე განცხადებები კეთდებოდა, მათ უნდა აგონ პასუხი კანონის და ხალხის წინაშე“, - განმარტა კახა კალაძემ.

ვიცე-პრემიერს უჭირს პასუხის გაცემა იქნება თუ არა დაკავების შემდეგი კანდიდატი უშიშროების ყოფილი მდივანი გიგა ბოკერია.

„მე კონკრეტულ პირებზე ვერაფერს ვერ გეტყვით, კარგი იქნება ამ კითხვას თუ საგამოძიებო უწყების ხელმძღვანელებს დაუსვამთ, ჩვენ თუ თვალს დავხუჭავთ იმ ყველაფერზე, არ არის გამორიცხული ეს ჩვენი ხელისუფლების წარმომადგელებმაც დაუშვან“,- განაცხადა კალაძემ.