რა მასალები გადასცა ,,რიჟამ" საგამოძიებო უწყებას გიგი უგულავას წინააღმდეგ (ვიდეო)

პოლიტიკა - 20:56, 04 Jul, 2014

2670

გიორგი კაპანიძის მიერ გიორგი ღონიაშვილისთვის ფულის გადაცემის დამადასტურებელი ჩანაწერი ვრცელდება. ტელეკომპანია “იმედის” ინფორმაციით, გამოძიების მტკიცებულებები სასამართლო დადგენილების საფუძველზე რამდენიმე საათის წინ გასაჯაროვდა.

ფინანსთა სამინისტროს საგამოძიებო სამსახურის მიერ გავრცელებულ ფარულ ვიდეოჩანაწერებში გიორგი ღონიაშვილისა და ბიზნესმენ გიორგი კაპანაძის შეხვედრაა ჩაწერილი, სადაც სხვადასხვა თანხებზეა საუბარი. ერთ ეპიზოდში კაპანაძე და ღონიაშვილი 200 ათას დოლარზე, ხოლო მეორე ეპიზოდში კი 350 ათას ლარზე საუბრობენ. ფარული ჩანაწერის ბოლოს კი ღონიაშვილი ჩანთაში სავარაუდოდ, თანხას ალაგებს.
საგამოძიებო სამსახური ასევე, გიგი უგულავას, გიორგი კაპანაძისა და გიორგი ღონიაშვილის სმს მიმოწერასაც ასაჯაროვებს. ტელეკომპანია “იმედის” ინფორმაციით, ჩანაწერები ღონიაშვილის ტელეფონიდანაა ამოღებული. მათივე ცნობით, სმს მიმოწერაში უგულავა ინტერესდება, როდის მოხდება ალექსანდრე გოგოხიასგან თანხის შემდეგი გადმორიცხვა და თბილისის ყოფილი მერი ჩარიცხვას დაჩქარებულ ტემპებში ითხოვს.
ტელეკომპანიის ინფორმაციით, მათ მასალები ფინანსთა სამინისტროს საგამოძიებო სამსახურიდან გამოითხოვეს.
იხ: ლინკი