მოსამართლე გოგინაშვილის აცილებაზე უგულავას ადვოკატების შუამდგომლობა არ დაკმაყოფილდა

პოლიტიკა - 19:22, 04 Jul, 2014

2152

საპარლამენტო უმცირესობის წევრი ჩიორა თაქთაქიშვილი სოციალური ქსელის მეშვეობით, ყოფილი მერის გიგი უგულავას სასამართლოდან შემდეგი სახის "პოსტს" აქვეყნებს:

"გიგის სასამართლო პროცესზე მოსამართლეა გიორგი გოგინაშვილი. მანვე იგივე საქმეზე მხოლოდ გიორგი ღონიაშვილის მიმართ ცოტა ხნით ადრე პატიმრობა შეუფარდა ბრალდებულს.

ეს "შემთხვევითი" დამთხვევაა, რა თქმა უნდა!

გასაგებია, რომ ამ მოსამართლეს უკვე აქვს მიღებული ინფორმაცია, აქვს ნამსჯელი საქმის არსზე, შეფასებული აქვს პროკურატურის მიერ წარდგენილი მასალები, ხოლო გიგის ადვოკატებს მანამდე არანაირი შეხება არ ქონიათ ამ საქმესთან, მათგან არცერთი არ ყოფილა ღონიაშვილის ადვოკატი, მათ სულ რაღაც სასამართლომდე ერთი საათით ადრე მიიღეს საქმის მასალები. ყველა სტანდარტით, ამ შემთხვევაში მოსამართლეს უკვე აქვს წინასწარ შექმნილი აზრი საქმეზე ოღონდ არა გიგი უგულავას საქმის განხილვისას წარდგენილი მასალებით და ადვოკატების არგუმენტების შესაბამისად, არამედ სხვა საქმის ფარგლებში, სადაც გიგი უგულავას ადვოკატებს არ ქონდათ პოზიციის დაფიქსირების შესაძლებლობა.

გასაგებია, რომ ის ვერანაირად ვერ იქნება ობიექტური პროკურატურის შუამდგომლობის განხილვისას, ის ვერანაირად ვერ დაივიწყებს წინასწარ შექმნილ აზრს ღონიაშვილის საქმესთან დაკავშირებით, მისი მონაწილეობით ვერ იქნება უზრუნველყოფოლი შეჯიბრებითი პროცესი, რაც გულისხმოს, რომ პროკურატურას და ადვოკატებს საკუთარი პოზიციების დაცვის თანაბარი შესაძლებლობები უნდა ქონდეთ, ის ვერ იქნება მიუკერძოებელი, რადგან ერთხელ უკვე დაადგინა, რომ პროკურატურის მიერ წარდგენილი ბრალი იგივე საქმეზე აკმაყოფილებს დასაბუთებული ვარაუდის მინიმალურ სტანდარტს.

მიუხედავად ამისა, გოგინაშვილმა უარი თქვა აცილებაზე და მოითხოვა, რომ სწორედ მან განიხილოს გიგის საქმეც. თან თქვა, რომ იქნება ობიექტური და მიუკერძოებელი...

საინტერესოა, რომ პროკურორი გააფთრებული მოითხოვდა, რომ სწორედ ამ მოსამართლეს განეხილა საქმე",- წერს თაქთაქიშვილი "ფეისბუქის" საკუთარ გვერდზე.