საგარეო საქმეთა მინისტრის თქმით, ადგილობრივი თვითმმართველობის არჩევნების მეორე ტურს საერთაშორისო დამკვირვებლები ისევ დააკვირდებიან.

მაია ფანჯიკიძის თქმით, არჩევნებს ის დამკვირვებლები დააკვირდებიან, ვინც იყვნენ პირველ ტურზე. კერძოდ, საელჩოები, ასევე რამდენიმე ინსტიტუტის წარმომადგენლები, მათ შორის, NDI, IRI.

მინისტრი დარწმუნებულია, რომ არჩევნების მეორე ტურიც ისეთივე მაღალ დონეზე ჩატარდება, როგორც - არჩევნების პირველი ტური.

ფანჯიკიძე "ქართული ოცნების" მერობის კანდიდატის ნარმანიას გამარჯვებაშიც დარწმუნებულია.

ცესკო-ს გადაწყვეტილებით თვითმმართველობის არჩევნების მეორე ტური 12 ივლისს ჩატარდება.