,,ერთი არის ბოთე და მეორე არის დანაშაულებრივი ხელისუფლება“

,,ერთი არის ბოთე და მეორე არის დანაშაულებრივი ხელისუფლება“ - ზაზა ვეკუა უგულავას საქმეზე

პოლიტიკა - 20:42, 03 Jul, 2014

1570

„დემოკრატიული მოძრაობის“ გენერალური მდივანი ზაზა ვეკუა თბილისის ყოფილი მერის გიგი უგულავას დაკავებას გამართლებულად მიიჩნევს. „ნიუპოსტთან“ საუბარში ვეკუა ამბობს, რომ უგულავასთან დაკავშირებით 2005-2006 წლებში არსებობდა მასალები, რომელიც მის დანაშაულზე მეტყველებდა.

„არ ვიცნობ ამ მასალებს, თუმცა ჩვენ ჩვენ გამოსვლებში ხშირად ვამბობდით, რომ უგულავასთან დაკავშირებით არსებობდა 2005-2006 წლის მასალები, რომელიც კონტროლის პალატის მიერ იყო დადებული. ქალაქის მერია დადანაშაულებული იყო სისხლის სამართლის დანაშაულში და ეს საქმე პროკურატურაშიც იყო გადაგზავნილი. ვიცი, რომ მიხეილ სააკაშვილი ესე დებდა თავის მაღალჩინოსნებზე საქმეებს და მერე მათ აშანტაჟებდა. რაც შეეხება ახალ საქმეს, რომ გითხრათ, რომ გიგი უგულავა უდანაშაულოა, სასაცილოა. პირდაპირ გეტყვით, დარწმუნებული ვარ, ესენი არიან ბოთეები, უთავბოლოები, არაფრის გაკეთება არ შეუძლიათ ან ერთმანეთთან არიან გარიგებული და სურთ ორი პოლუსი შექმნან. ერთი არის ბოთე და მეორე არის დანაშაულებრივი ხელისუფლება და ცოტა ხანში ერთიც და მეორეც დამნაშავე ხელისუფლება იქნება. როდესაც ვიღაცაში მაინც კითხვის ნიშნებია უგულავას დაკავებასთან დაკავშირებით, ეს ხდება დღევანდელი ხელისუფლების მხრიდან ხელოვნურად“, - აცხადებს ვეკუა.