პარლამენტის ვიცესპიკერი ზურაბ აბაშიძე თბილისის უფლებამოსილებაშეჩერებული მერის გიგი უგულავას დაკავების საკითხს ეხმაურება. აბაშიძის განცხადებით უგულავას სახელს კონკრეტული ფინანსური დანაშაულები უკავშირდება.

"ვფიქრობ, ძალიან მარტივია ის, რაც ხდება გიგი უგულავაზე. იგი მხილებულია რამდენიმე ძალიან მძიმე დანაშაულში, რომელთა შორისაა 50 მილიონი ლარის გაფლანგვა, მილიონი ლარი "სითი პარკის" თემაზე, მისი ქვისლი დაკავებულია ძალიან სერიოზული ბრალდებით, ბიზნესმენმა კაპანაძემ უგულავას მიერ ფულის გათეთრებაზე საჯაროდ ისაუბრა. ვფიქრობ, სამართალდამცავი ორგანოები წელგამართული არიან ამ საქმეებში და დანარჩენს სასამართლო გადაწყვეტს", - აღნიშნა ზურაბ აბაშიძემ.

შეგახსენებთ რომ „ნაციონალური მოძრაობის“ საარჩევნო შტაბის ხელმძღვანელი გიგი უგულავა თბილისის საერთაშორისო აეროპორტში დღეს დილით დააკავეს. მას ფინანსურ მაქინაციებში ედავებიან.