საქართველოს შს მინისტრმა გიგი უგულავას დაკავებასთან დაკავშირებით კომენტარი გააკეთა. ჭიკაიძის განცხადებით უგულავას დაკავებას პოლიტიკურ მოტივაციასთან არავითარი კავშირი არ აქვს. ჭიკაიძემ კომენტარი მთავრობის სხდომის დასრულების შემდეგ გააკეთა:

„პოლიტიკური ნება ნაკლებად არის დამერწმუნეთ, იმიტომ რომ მრავალ ფინანსურ მაქინაციაში ედებოდა ბრალი, პროკურატურა არის ამ საქმით დაკავებული და ამ მიმართულებით მიმდინარეობს გამოძიება. მე რამდენადაც ვიცი გააფრთხილეს საზღვარი არ დაეტოვებინა, მაინც გადაწყვიტა ამის გაკეთება და სწორედ ამიტომ დააკავეს“, - განაცხადა ალექსანდრე ჭიკაიძემ.

გიგი უგულავა თბილისის საერთაშორისო აეროპორტში გამთენიისას დააკავეს. უგულავა კიევში გამგზავრებას ცდილობდა.