საქართველოს თავდაცვის ყოფილი მინისტრის ბაჩო ახალაიას მეუღლე ანი ნადარეიშვილი მოსამართლისა და ბრალდების მხარის მოწმის დიალოგის შესახებ „ფეისბუქის“ საკუთარ გვედზე წერს:

„პროკურატურის მოწმე ბერდია მესხი:

ადვაკოტი: რამდენჯერ ხართ ნასამართლევი?

მოწმე: 2-ჯერ

ადვოკატი: რაზე?

მოწმე: ქურდობაზე და ყაჩაღობაზე

ადვოკატი: რომ ამბობთ არნახულად მირტყეს და მცემესო, თქვენ როცა დააყაჩეღეთ მოხუცი ცოლ-ქმარი, დააუთოეთ და ცემეთ, ის არ იყო არნახული ცემა?

მოწმე: "ეხლა რაფერაა, მე თუ ვცემე, ამიზა მეც უნდა მცემონ?", - წერს ნადარეიშვილი.

ამ წუთებში თბილისის საქალაქო სასამართლოში ბაჩო ახალაიას სასამართლო პროცესი მიმდინარეობს. პროცესზე ბრალდების მხარეების მოწმეების დაკითხვა მოხდება.

პროცესი ე.წ. ნავთლუღის სპეცოპერაციას შეეხება, თუმცა, მოსამართლე დამატებით კიდევ ორ ეპიზოდზე იმსჯელებს.