დაკავებამდე თბილისის უფლებამოსილებაშეჩერებულმა მერმა გიგი უგულავამ მედიისთვის კომენტარი გააკეთა. მისი განცხადებით, კიევიდან თბილისში დაბრუნებას იგი დღეს საღამოსვე აპირებდა. ამის მიზეზი ახალი უწყისი გახდა, რომელიც მან გუშინ საღამოს მიიღო. მას საგამოძიებო უწყებაში ხვალ დილით ისევ ელოდებოდნენ.

იმის დასტურად, რომ უგულავა მიმალვას არ აპირებდა, ყოფილმა მერმა ჟურნალისტებს თბილისში ჩამოსასვლელი ბილეთიც უჩვენა. ინფორმაცია მორიგი დაკითხვის შესახებ და შესაბამისი უწყისი კი თავდაპირველად უგულავამ „ფეისბუქის“ საშუალებით გაავრცელა.

„მივიღე ახალი მოწვევა, უწყისი სადაც დაბარებული ვარ 4 ივლისს დილის 10 საათზე, ხაშზე დამიბარეს, საღამოს კიევი-თბილისის რეისით დავბრუნდები უკან, ახლა ვნახავთ რამდენად არის დაცული საქართველოში კანონის უზენაესობა, მე დარწმუნებული ვარ, რომ საზღვარზე ხელისშემშლელეი ფაქტორები აღმოჩნდება, უბრალოდ მაინტერესებს რა იქნება ეს დაბრკოლებები“, - განაცხადა გიგი უგულავამ

უგულავა თბილისის საერთაშრისო აეროპორტში დღეს დილით დააკავეს. ფინანსურმა პოლიციამ უგულავას გამგზავრებას კიევში ხელი შეუშალა. ადვოკატის განცხადებით მისი დაცვისქვეშ მყოფი უკანონოდ არის დაკავებული. ამ წუთებში გიგი უგულავა ე.წ. მოდულის შენობაშია გადაყვანილი, შენობასთან მისი გუნდის წევრები და ოჯახის წევრები იკრიბებიან.