ხათუნა გოგორიშვილმა თამარ კორძაიას პრემიერის გამონათქვამი შეუსწორა

პოლიტიკა - 22:28, 01 Jul, 2014

1363

საპარლამენტო უმცირესობის წევრმა ხათუნა გოგორიშვილმა უმრავლესობის წევრს თამარ კორძაიას პრემიერ მინისტრის ოპოზიციისადმი დანაპირები შეახსენა.

,,ქალბატონო თამარ, ეტყობა თქვენ ყურადღებით არ მოგისმენიათ, რა კონტექსტში თქვა და როგორ ეს პრემიერ, მან თქვა, რომ ცხელი ზაფხული იქნება არჩევნების შემდეგ და არჩევნები აქ არაფერ შუაშია, ეს ერთი და მეორე, მან ცხელი ზაფხული დაპირდა ოპოზიციას...“ - მიმართა გოგორიშვილმა კორძაიას გადაცემა ,,არჩევანის“ ეთერში.

გოგორიშვილი მიიჩნევს, რომ გიგი უგულავას დაკითხვაზე დაბარების ერთ-ერთი მთავარი მიზეზი არის არჩევნების მეორე ტური, სადაც ,,ნარმანიას სჭირდება ცხელი თემების აწევეა... ვისაც მანქანა ჰყავს, ყველა გაბრაზებულია, მეც რომ მყავდეს ალბათ, მეც ვიქნებოდი გაბრაზებული. ,,სითი პარკი“ კარგი თემაა ხელისუფლებისთვის, ის არის გიგი უგულავას ,,კანტორა“ - არის იაფფასიანი, ჭკუამოკლე პიარი. ეს არის გათვლილი იმაზე, თუ როგორ იბრძვის საწყალი ნარმანია ხმლით ხელში თბილისელების უფლების აღსადგენად. გეგონება ამის შემდეგ აღარ დააჯარიმებენ და აღარ იქნება ან ,,სითი“ ან სხვა რამე პარკი“.

საპარლამენტო უმრავლესობის წევრის თამარ კორძაიასთვია გაუგებარია, რატომ ცდილობს ოპოზიცია პრემიერის განცხადებაში მუქარის სიტყვები ამოიკითხოს.,,ზოგადად, არჩვენების შემდგომი პერიოდი არის ცხელი, რადგან ურთიერთბრალდებები მიმდინარეობს და ეს კიდევ რამდენ ხანს გაგრძელდება ვერ გეტყვით... მეორე ტურია და რა თქმა უნდა ცხელი პერიოდი გველის. ცხელი ზაფხულის გაშიფვრა, როგორც მუქარის, უკვე არასწორია“, - განაცხადა თამარ კორძაიამ.