ბაჩო ახალაია პატიმრობაში რჩება, დაცვის მხარის შუამდგომლობა პატიმრობის ვადის ამოწურვამდე მისი გათავისუფლების შესახებ, მოსამართლემ არ დააკმაყოფილა.

მოსამართლე ბესიკ ბუგიანიშვილმა არ დააკმაყოფილა დაცვის მხარის შუამდგომლობა და ერთერთი მთავარი არგუმენტი იყო ის, რომ კვლავ არსებობს რისკები ბაჩანა ახალაიას მხრიდან მოწმეებზე ზეწოლისა.

ბრალდებულისთვის მოსამართლის გადაწყვეტილება მოულოდნელი არ ყოფილა. ახალაიამ დღევანდელ სხდომაზე საკმაოდ ვრცელი განცხადება გააკეთა, მან დააანონსა, რომ პროკურატურაში მის წინააღმდეგ კიდევ ერთი საქმე მზადდება, განცხადების შემდეგ საქართველოს თავდაცვის ყოფილმა მინისტრმა სასამართლო პროცესი დატოვა.

„დღევანდელი ჩვენი შუამდგომლობის მთავარი მოტივაცია ის კი არ არის, რომ მე სახლში წავიდე სინამდვილეში, მე მშვენივრად მესმის, რომ შეიძლება ამ შენობიდანაც კი ვერ გავსულიყავი, ძალიან კარგად მესმის, უბრალოდ თქვენც და სასამართლოსაც ვეუბნები იმას, რომ აქ არის სულ სხვა ვითარება, ეს არის ბინძური პოლიტიკური თამაში, ნაძირალა ივანიშვილის, ბატონო მოსამართლევ, მე საკმაოდ კორექტული ვარ, მაგ ადამაინის მიმართ, რომელიც ჩვენი სახელმწიფოს წინააღმდეგ მოქმედებს, რომელსაც მე მთელი ჩემი ცხოვრება მივუძღვენი და მთელმა ჩემმა მეგობრებმა, იმ ადამიანის, იმ ნაძირალა ივანიშვილის ურთიერთობებში სასამართლოს ნუ ჩარევთ, ეს არის დიდი უბედურება, ჩვენ რაც თავს დაგვატყდა, თუ ვინმეს ჰგონია, რომ ეს არის თითოეული სასამართლო პროცესი ან უბრალოდ ახალაიას, ან მერაბიშვილის ან ვინმეს დაჭერა, ძალიან ცდებით, ამით ზარალდება მთელი ქვყანა, აი, ამ ნაძირალა ივანშვილს და მაგის ბიჭუშკა ღარიბაშვილს, აი, ამ დარბაზში შეიძლება თქვენ მოგიწიოთ სასამართლოს ჩატარება“,- განაცხადა ახალაიამ.