"კონგრესი ყოველმხრივ შეეცდება მხარი გაუმაგროს უკრაინელ, ქართველ და მოლდოველ ხალხს"

პოლიტიკა - 16:32, 01 Jul, 2014

1376

სენატორმა ქრის მერფმა და სენატის საგარეო საქმეთა ევროპულ საქმეთა სუბკომიტეტის თავმჯდომარემ რონ ჯონსონმა საქართველოს, უკრაინასა და მოლდოვას ასოცირების ხელშეკრულების გაფორმება მიულოცა.

სენატორებმა ამ მოვლენას ისტორიული ფაქტი უწოდეს და განაცხადეს, რომ ხელშეკრულება ევროკავშირთან ღრმა და ყოვლისმომცველი ვაჭრობის სივრცეს გზას უხსნის.

"ეს ხელშეკრულება აღრმავებს, სავაჭრო-ეკონომიკურ და პოლიტიკურ კავშირებს ევროკავშირთან, რაც ინვესტორებისთვის დამატებითი სტიმული იქნება. უკრანიამ, საქართველომ და მოლდოვამ ბევრი გააკეთეს, რომ თავიანთი ქვეყნები კიდევ უფრო მიეახლოებინათ ევროპულ სტანდარტებთან, იქნება ეს მარლთმსაჯულებაში, მედიის თავისუფლების კუთხით, რეფორმებით საარჩევნო კოდექსში, გარემოს დაცვის საკითხებში, ადამიანის უფლებების დაცვაში თუ კორუფციის წინააღმდეგ ბრძოლაში. აშშ მხარს უჭერს ამ ხელშეკრულებას, რომელიც საწინდარია ძლიერი და მტკიცე დემოკრატიისა. მაშინ როდესაც უდაოა, რომ ეს ქვეყნები კვლავ განიცდიან სირთულეებსა და ზეწოლას მოსკოვის მხრიდან, ჩვენი კონგრესი ყოველმხრივ შეეცდება მხარი გაუმაგროს უკრაინელ, ქართველ და მოლდოველ ხალხს, რადგან მათ გამოხატეს თავიანთი მტკიცე სურვილი, დაუახლოვდნენ ევროკავშირსა და აშშ-ს“,- ნათქვამია სენატორების განცხადებაში.