საქართველო ტერორისტების მიერ შედგენილ რუკაზე დაიტანეს და მუსულმანური სამყაროს ნაწილად აქციეს

პოლიტიკა - 16:33, 01 Jul, 2014

11560

საქართველო ტერორისტების მიერ შედგენილ რუკაზე დაიტანეს. ტერორისტულმა დაჯგუფებამ „ერაყისა და ლევანტის ისლამურმა სახელმწიფომ“ ერთიანი ისლამური სახლემწიფოს შექმნის ხუთწლიანი გეგმა რუქაზე გადაიტანა.

ერაყისა და ლევანტის ისლამური სახელმწიფო, ხშირად ერაყისა და შამის ისლამური სახელმწიფო - არაღიარებული ისლამური სახელმწიფო და ვაჰაბისტური სამხედრო ჯგუფი ერაყსა და სირიაში. აკონტროლებს ერაყისა და სირიის ნაწილს, და გრძელვადიან პერსპექტივაში გეგმავს შემოიერთოს მთლიანად ლევანტი, მათ შორის ლიბანი, ისრაელი, პალესტინა, იორდანია, კვიპროსი, სამხრეთ თურქეთი. ორგანიზაციის რამდენიმე ლიდერმა განაცხადა, რომ 2003 წლის ჯორჯ ბუშის შეჭრამ ერაყში მიიყვანა ისინი ჯიჰადამდე ამერიკელების წინააღმდეგ, და ბიძგი მისცა მათ კონტროლი გაემყარებინათ არაბულ სახელმწიფოებზე (ვიკიპედია)

რადიკალური დაჯგუფების წევრებმა რუკა შექმნეს, რუკაზე მოხვდა საქართველო, მთელი კავკასიის რეგიონი, ახლო აღმოსავლეთი, არაბეთის ნახევარკუნძული თურქეთი, ჩრდილოეთ აფრიკა, თითქმის ცენტარლურ აფრიკამდე, აზიის დიდი ნაწილი, აღმოსავლეთ ევროპის ნაწილი, ბალკანეთი, ყირიმი და პირენეს ნახევარკუნძული.

ექსტრემისტების თქმით, ერთიანი სახელმწიფო შარიათის კანონებზე იქნება დაფუძნებული. შარიათის კანონები არის ისლამური კანონი, დაფუძნებული ორ ძირეულ წყაროზე: ყურანსა და ტრადიციაზე. მისი დებულებები თეორიულად შეიძლება დაეყრდნოს, აგრეთვე, განსაზღვრული პერიოდის ყველა კანონმცოდნის თანხმობას.

შარიათის თანახმად, ადამიანთა ქმედებები შემდეგ კლასიფიკაციას ექვემდებარება:

ა) სავალდებულო;

ბ) სასურველი;

გ) დაშვებული;

დ) გაკიცხული ან დაგმობილი;

ე) აკრძალული ქმედებები.

შარიათის წიგნები შეიცავს ისლამური კანონის დებულებებს შემდგომ საკითხებთან დაკავშირებით:

რელიგიური ვალდებულებანი;

ოჯახური სამართალი;

მემკვიდრეობითი, საკუთრების და გარიგებითი სამართალი;

სისხლის სამართლის და საპროცესო სამართალი;

ადმინისტრაციული სამართალი;

წმიდა ომის (ჯიჰადი) წარმოება.

რაც შეეხება შარიათის მისადაგებას პრაქტიკულ ცხოვრებასთან, იურიდიულ ნორმათა შესრულების უზრუნველყოფა ევალება ისლამური საკრებულოს წინამძღვარს, იქნება ეს ხალიფა, იმამი თუ სულთანი, და კიდევ, მოსამართლეს (ყადი). მათთან ერთად არის, აგრეთვე, მრჩევლის სტატუსის მქონე კანონმცოდნე.

ტერორისტულმა დაჯგუფებამ ერაყისა და სირიის კონტოლირებად ტერიტორიაზე უკვე გამოაცხადა ისლამური ხალიფატი და მთავარ ხალიფად აბუ ბაქრა ალ ბაღდადი დანიშნა.

ხალიფატის შექმნასა და ტერორისტული დაჯგუფების მიერ მომზადებულ რუკას არარეალურად მიიჩნევენ კავკასიის საკითხებზე მომუშავე ქართველი ექსპერტები.