როცა ახალგაზრდა ვიყავი რიგში დგომა მიწევდა, რომ ევროპაში ცხვირი შემეყო

როცა ახალგაზრდა ვიყავი რიგში დგომა მიწევდა, რომ ევროპაში ცხვირი შემეყო - წულუკიანი

პოლიტიკა - 22:40, 28 Jun, 2014

2822

ევროკავშირთან ასოცირების ხელიშეკრულების ხელმოწერის მნიშვნელობაზე ისაუბრა იუსტიციის მინისტრმა თეა წულუკიანმა ,,რუსთავი 2“-ის ეთერში.

მინისტრის განცხადებით, ამ თვეში იუსტიციის სამინისტროში შეიქმნება ევროკავშირის სამართლის დეპარტამენტი, რომელიც იმუშავებს ქართული კანონმდებლობის თავსებადობაზე ევროკავშირის სტანდარტებთან.

მე ყველა ძალას ვიღონებ, როგორც იუსტიციის მინისტრი, რომ მოლდოვას ბედი გავიზიაროთ, – განაცხადა წულუკიანმა. მისი თქმით, საქართველოს ევროკავშირთან ასოცირების ხელშეკრულების შემდეგ ძალიან დიდ სამუშაო აქვს ჩასატარებელი.

"როდესაც ჩვენ გავხსნით საზღვრებს ევროკავშირის ქვეყნებთან, ჩვენ ახალგაზრდებს შეეძლებათ უვიზოდ წავიდნენ, დაისვენონ, ან ისწავლონ ევროპაში. ჩვენს ბიზნესმენებს შეეძლებათ უპრობლემოდ გაიტანონ ბიზნესი, ეს რომ მოხდეს საჭიროა ისეთივე საკანონდებლო ბაზა, როგორიც არის ევროპაში, ამას სჭირდება მუშაობა.", - განაცხადა წულუკიანმა.

მისივე თქმით, საქართველო ყველაფერს გააკეთბს იმისთვის, რომ მოლდოვას მსგავსად ევროკავშირში შევძლოთ უვიზოდ მიმოსვლა.

"პირველი, რაც რეალისტურია, ახალგაზრდების მაგივრად მიხარია, არის შემდეგი - რომ ვიზალიბერალიზაცია მოხდეს. ჩვენ გვაქვს მოლოდინი და მე ყველა ძალას ვიხმარ, როგორც იუსტიციის მინისტრი, რომ ეს მოხდეს გაისად. მოლდოვას შეუძლია ევროკავშირის წევრ ქვეყნებში უვიზოდ მგზავრობა, ეს ახალგაზრდებისთვის არის მნიშვნელოვანი, როდესაც ახალგაზრდა ვიყავი რიგში დგომა მიწევდა, რომ ევროპაში ცხვირი შემეყო. ჩვენ ვიშრომებთ იმისთვის, რომ სექტემბერში ვიზალიბერალიზაციის ფაზა, რომელიც წარმატებით დავხურეთ, ევროკავშირის სტრუქტურებმა დაამტკიცონ. გაიხსნება მეორე ფაზა, რომელიც სხვა რეფორმებს გულისხმობს. ჩვენ ყველა ძალას ვიღონებთ, რომ მომავალ წელს ეს ფაზაც დაიხუროს და ჩვენ გავხდეთ მოლდოვას თანასწორი და უვიზოდ ვიაროთ ევროკავშირის ქვეყნებში", - განაცხადა წულუკიანმა.