ამერიკის შეერთებული შტატების ელჩი საქართველოში რიჩარდ ნორლანდი აცხადებს, რომ სამომავლოდ, ასოცირების ხელშეკრულების შედეგები საქართველოსთვის იქნება ძალიან მნიშვნელოვანი და ხელშესახები:

"ვფიქრობ, უკეთესი იქნება, თუკი ჩემი ევროპელი კოლეგები მოგაწვდიან დეტალურ ინფორმაციას იმის შესახებ, თუ რას ნიშნავს საქართველოსთვის ასოცირების ხელშეკრულება, მაგრამ საერთო ჯამში, ზოგადად რომ ვისაუბროთ, დღესავით ნათელია, რომ ეს საშუალებაა საქართველოსთვის შევიდეს ევროპულ ბაზარზე, საქართველოს მოქალაქეებმა იმოგზაურონ ევროპაში უვიზოდ.

ჩემმა ევროპელმა კოლეგებმა უკვე აღნიშნეს, რომ მთელი ეს პროცედურები არ არის ისეთი მარტივი, რომ ერთ ღამეში, ერთ დღეში მოხდეს. ეს არის ცვლილებები, რომლის განხორციელებასაც სჭირდება თანამშრომლობა, მაგრამ ასოცირების ხელშეკრულების შედეგები სამომავლოდ საქართველოსთვის იქნება ძალიან მნიშვნელოვანი და ხელშესახები", - განაცხადა რიჩარდ ნორლანდმა.