ატლანტიკური საბჭოს აღმასრულებელმა ვიცე-პრეზიდენტმა დეიმონ უილსონმა განაცხადა, რომ საქართველოს ნატო-სკენ მიმავალ გზაზე ხელის შეშლის მცდელობა იქნება. ამის შესახებ უილსონმა ბათუმში მიმდინარე თავდაცვისა და უსაფრთხოების კონფერენციაზე ისაუბრა:

"ვფიქრობ, ნათელია, რომ საქართველო გახდება ნატო-ს წევრი. საქართველო კავკასიაში ნამდვილ ევროპულ სახელმწიფოს ქმნის და ის შეუერთდება როგორც ნატო-ს, ასევე ევროკავშირს. მაგრამ ჩემი აზრით, არსებობს გამოწვევები და ეს გამოწვევა იმაში მდგომარეობს, რომ ამას გარკვეული დრო სჭირდება. ჩვენ ასევე უნდა მოველოდეთ, რომ იქნება ამ პროცესის ჩაშლის მცდელობები, საქართველოს ნატო-სკენ მიმავალ გზაზე ხელის შეშლის მცდელობა. ასე, რომ მოახლოებული უელსის სამიტის მნიშვნელოვანი ნაწილი ის იქნება, რომ გაცხადდება ძლიერი პაკეტი, სადაც აღინიშნება ვალდებულება საქართველოსა და მისი უსაფრთხოებისადმი", - აღნისნა ატლანტიკური საბჭოს აღმასრულებელმა ვიცე-პრეზიდენტმა.