სააგენტო „primetimenews“-ზე ჰაკერული შეტევა განხორციელდა. სააგენტო ამ დროისათვის პარალიზებულია და მასზე შესვლა შეუძლებელია.

„ანონიმუსი“ უკანასკნელ პერიოდში საკმაოდ ცნობილი ჰაკერული შეტევების ავტორია, ანონიმუსი, როგორც თავად დაჯგუფების წევრები აცხადებენ, არის თავისუფალი, არაცენტრალიზებული ორგანიზაცია, რომელიც ერთი იდეის ქვეშ აერთიანებს ჰაქტივისტებს სხვადასხვა ქვეყნებიდან. დაჯგუფება ცნობილი გახდა სამთავრობო, რელიგიურ და მსხვილ კორპორატიულ საიტებზე თავდასხმის შემდეგ. თავდასხმისას ანონიმები ძირითადად DDoS შეტევას იყენებდნენ.

შესაბამისად სააგენტოს მისამართზე შესვლისას თქვენ წაიკითხავთ შემდეგ წარწერებს:

„ჩვენ ანონიმუსი ვართ“, „ჩვენ ლეგიონი ვართ“, „ჩვენ ინტერნეტის ანგელოზები ვართ“, „ჩვენ არ ვპატიობთ“, „ჩვენ არ გვავიწყდება“, „გველოდეთ ჩვენ“.