საქართველოს პარლამენტის თავმჯდომარემ დავიტ უსუფაშვილმა ევროპასთან ასოციტების ხელშეკრულების გაფორმებასთან დაკავშრებით კომენტარი გააკეთა და აღნიშნა, რომ „ასოცირების ხელშეკრულება გვავალდებულებს ვიშრომოთ, ვისწავლოთ და ევროპას კონკურენცია გავუწიოთ“:

"კითხვა ისმის ასევე, რომ ხელშეკრულებას რომ არ დაევალდებულებინა, ეს საკითხები არ ვიცოდით, რომ უნდა გვეკეთებინა უკეთ საქმეები? კი ვიცოდით, მაგრამ ასეა მოწყობილი ადამიანის ბუნება, სანამ რამეს არ დავავალებთ ერთმანეთს, ისე მოვეშვებით ხოლმე, ასე მოშვებულები ვიყავით და შორს ვერ წავედით და ვერ ავაშენეთ ჩვენი ქვეყანა. ეს არის ჩვენი ქვეყნის განვითარების სამოქმედო გეგმა.

ხელშეკრულება, რომელიც 1000 გვერდზე მეტია, ძალიან დეტალურად იქნება განხილული. ივლისის განმავლობაში რიგგარეშე სესიის ფარგლებში ყველას გვექნება საშუალება კიდევ ერთხელ დეტალურად განვიხილოთ. შემდეგ, პარლამენტი მოახდენს მის რატიფიცირებას და პირველი სექტემბრიდან ბევრი მნიშვნელოვანი პუნქტი შევა ძალაში", - აღნიშნა დავით უსუფაშვილმა.