შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი ოკუპირებული აფხაზეთის ე.წ. პრეზიდენტობის კანდიდატის განცხადებას ეხმაურება. ზაქარეიშვილის თქმით მას ხაჯიმბას განცხადება არ უკვირს:

„სულაც არ არის შემაშფოთებელი განცხადება, სხვას რას უნდა ველოდოთ? აპლოდისმენტებს არ დაუკრავდა, მით უმეტეს ხაჯიმბა ასოცირების ხელშეკრულებაზე. ხაჯიმბას განცახდება, რომ თითქოს მეტად დავუახლოვდებითო რუსეთს, არის ღიმილისმომგვრელი - მეტად აღარ შეიძლება უკვე. ის, რომ საქართველო სთავაზობს მათ ევროპას საქართველოსთან ერთად, ეს რა თქმა უნდა არის ძალიან სერიოზული სიახლე და როგორც ოსების ისე აფხაზების გაკრკვეული ნაწილი იმედით უყურებს, რომ არჩევანი უდგებათ, გარდა რუსეთისა, რაღაც სხვა სიახლესთანაც“,- განაცხადა ზაქარეიშვილმა.