საქართველოს საგარეო საქმეთა მინისტრი მაია ფანჯიკიძე რუსეთის საგარეო საქმეთა მინისტრის, სერგეი ლავროვის განცხადებას პასუხობს. ქვეყნის მთავარი დიპლომატის განცხადებით საქართველო დაინტერესებულია ჰქონდეს ინტენსიური ვაჭრობა, როგორც ევროკავშირის, ისე დსთ-ს ქვეყნების მიმართულებით, შესაბამისად კი უნდა განისაზღვროს შეიცვალა თუ არა რაიმე მას შემდეგ რაც საქართველო ღრმა და ყოვლის მომცველ სავაჭრო სივრცეს შეუერთდა:

"ეს უკავშირდება რა თქმა უნდა ასოცირების ხელშეკრულებას, რომელსაც საქართველო გადაჰყავს სულ სხვა რეჟიმში, ეკონომიკის და ვაჭრობის მხრივ. ლავროვის განცხადება ახალი არ არის და შესაბამისად, უკვე დაგეგმილია ასეთი შეხვედრა, რომელიც გაიმართება 7 ივლისს პრაღაში. 9 ივლისს კი გაიმართება ბატონ ზურაბ აბაშიძის და ბატონ გრიგორი კარასინის შეხვედრა. მანამდე, ექსპერტების დონეზე მოხდება პოზიციების შეჯერება იმ ახალი რეგულაციების, რომელიც საქართველოსთვის იხსნება და მათი თანხვედრა იმ თავისუფალ რეჟიმთან, რომელიც საქართველოს აქვს დსთ-ს წევრ ქვეყნებთან. ეს არის ჩვეულებრივი ტექნიკური სამუშაო შეხვედრა, რომელიც ძალიან კარგია, რომ გაიმართება", - აღნიშნა მაია ფანჯიკიძემ.