ბათუმში, თავდაცვისა და უსაფრთხოების კონფერენციაზე სიტყვით გამოსვლისას საქართველოს პარლამენტის თავმჯდომარემ დავით უსუფაშვილმა განაცხადა, რომ ნატო სამოთხე არ არის, თუმცა საქართველოს ნატოში ყოფნა ნამდვილად უნდა:

„ბოდიშს გიხდით, ვინც ელოდებოდა, რომ პანელის სამუშაო დღეებში მივიღებდი მონაწილეობას. იმ მოვლენებმა, რასაც ადგილი ჰქონდა ამ დღეებში, არ მომცა საშუალება თქვენთან მემუშავა. მე ვაპირებდი სიტყვით გამოსვლას, რომელსაც ერქვა ნატო-ს კარზე კაკუნი, რამაც გამახსენა ბობ დილანის სიმღერა - „Knockin on heaven’s door” ანუ „კაკუნი სამოთხის კარზე“ - ჩვენ ნამდვილად არ ვართ იმ იდეით, რომ ნატო არის სამოთხე, თუმცა, ვიცით, ნატო არის დაცვის სფერო და ჩვენ გვინდა იქ ვიყოთ, გვინდა გავხდეთ თქვენი პარტნიორები“,- განაცხადა უსუფაშვილმა.