საქართველოს პრემიერმინისტრმა ტელეკომპანია „ალ-ჯაზირას“ პირდაპირ ეთერში ევროკავშირთან ასოცირების ხელშეკრულების ხელმოწერაზე ისაუბრა. ირაკლი ღარიბაშვილის განცხადებით ასოცირების შესახებ ხელშეკრულების ხელმოწერა ეს არ არის შეთანხმება ვინმეს წინააღმდეგ:

„როდესაც 2012 წელს საპარლამენტო არჩევნების შემდეგ მთავრობაში მოვედით, ჩვენ რუსეთსა და საქართველოს შორის ურთიერთობების ნორმალიზებისთვის ძალისხმევა არ დავიშურეთ. რუსეთთან კონსტრუქციული და მშვიდობიანი დიალოგი გვსურს. ორი თვის წინ რუსეთის საგარეო საქმეთა მინისტრმა განაცხადა, რომ რუსეთი ხელს არ შეუშლიდა საქართველოსთვის ასოცირების ხელშეკრულების ხელმოწერას და ასეც მოხდა, ჩვენ დაჩქარებულ ვადებში მოვაწერეთ ხელი ასოცირების შეთანხმებას, რაც შეეხება სავაჭრო ურთიერთობებს, ჩვენ ვგეგმავთ სამუშაო ჯგუფის შეხვედრას რუსეთის წარმომადგენლებთან, რომელიც შეეხება თავისუფალი ვაჭრობის შესახებ შეთანხმებას, რომლის ფარგლებშიც ჩვენ გვაქვს თავისუფალი სავაჭრო ურთიერთობა დსთ-ს ქვეყნებთან. ასევე რუსეთთან, თურქეთთან და ახლა უკვე თავისუფალი სავაჭრო ურთიერთობა გვექნება ევროპასთან. საქართველოს მისწრაფება ევროკავშირისკენ არის შეუქცევადი, თუმცა ასევე ვფიქრობთ, რომ ეს მისწრაფება ხელს არ უშლის ურთიერთობებს მეზობელ ქვეყნებთან. ასოცირების შეთანხმება ეს არ არის შეთანხმება ვინმეს წინააღმდეგ“, - განაცხადა ირაკლი ღარიბაშვილმა.