საქართველოს თავდაცვის მინისტრმა ირაკლი ალასანიამ ბათუმში მიმდინარე თავდაცვისა და უსაფრთხოების კონფერენციის მიმდინარეობისას ჟურნალისტებს განუცხადა, რომ დღეს ძალიან ღრმა ანალიზი გაკეთდა იმ უსაფრთხოების არქიტექტურის, რომელიც რეგიონში და ევროპაშია რუსეთის აგრესიის შემდეგ:

"ვისაუბრეთ, კონკრეტულად თუ როგორ უნდა მოხდეს საქართველოს სრული ინტეგრაცია ნატო-ში ძალიან დაჩქარებული და იმ ფორმით, რომ საქართველოს საზოგადოებას დამატებითი რეალური უსაფრთხოების, დაცულობის განცდა გაუჩნდეს. მგონია, რომ ამ დებატებიდან გამოიკვეთა მთავარი, რომ მომავალ სამიტზე ბრიტანეთში გადაწყვეტილებები იქნება მიღებულ, რომელიც საქართველოს აქცევს უფრო უსაფრთხოდ. აქ იყო საუბარი როგორც მრავალმხრივ ფორმატში ნატო-ს მიერ გადადგმულ ნაბიჯებზე, ასევე კონკრეტულად საქართველოს თავდაცვითი შესაძლებლობების გაზრდაზე. ეს ის მოლოდინია, რომელიც გვაქვს ნატო-ს სამიტისგან და დარწმუნებული ვარ, რომ ჩვენ მივაღწევთ ჩვენს მთავარ ამოცანას", - აღნიშნა ირაკლი ალასანიამ.