საქართველოს ყოფილი პრეზიდენტის მიხეილ სააკაშვილის განცხადებით ცხინვალის რეგიონში დეფაქტო მთავრობის მიერ რუსეთთან შეერთების მიზნით რეფერნდუმის ჩატარება რუსეთის მხრიდან ცუდი ხუმრობაა.

ამის შესახებ მიხეილ სააკაშვილმა ტელეკომპანია „BBC“-ის ეთერში ისაუბრა:

„შეუძლებელია არ იყო აღშფოთებული, იდეა იმაშია, რომ რუსეთი სამხრეთ ოსეთის რუსეთთან მიერთების საკითხზე რეფერენდუმის ჩატარებას გეგმავს. ახლა ეს არის ტერიტორია, რომელზეც შესაძლოა 10 ან 15 ათასი ადამიანი ცხოვრობდეს.

ჩაატარო რეფერნდუმი იქ, სადაც 10 ან 15 ათასი ადამიანი ცხოვრობს ძალიან ცუდი ხუმრობაა, მაგრამ ეს არის ძალიან აგრესიული ფაქტი. ისინი გარკევულ მანიპულაციებს ახორციელებენ აფხაზეთში, ეს ძალიან ჰგავს სიტუაციას, რომელსაც ყირიმში ჰქონდა ადგილი. ვფიქრობ, ახლა 2 ფაქტორია, ერთის მხრივ, რუსეთი, რომელიც თავის მხრივ ძალიან სუსტია და წარმოადგენს ერთ დიდი ბენზინ გასამართ სადგურს, მაგრამ აქვს ძლიერი ნება, რომ შეინარჩუნოს პოლარობა.

მეორე მხრივ, არის დასავლეთი, რომელიც გაცილებით უფრო ძლიერია, მაგრამ არ უნდა ღია კონფრონტაციაში შევლა, საბოლოოდ, ევროპელებს შეუძლიათ შეაჩერონ რუსეთი, ახლა ეს მათ ხელშია. ძალიან მოკლე დროში ევროპელებს მოუწევთ მოქმედება. მე მესმის, რომ არიან ევროპული კომპანიები, რომლებსაც არ უნდათ დაკარგონ სარგებელი და შემოსავალი, მაგრამ სხვა გზა არაა. ჩვენ აღარ გვყავს უინსტონ ჩერჩილი ევროპაში, მაგრამ გვაქვს გამოცდილება. სწორედ ეს უნდა გააკეთონ პოლიტიკოსებმა, უფრო მაღლა უნდა დააყენონ ინტერესები და გადადგან რეალური ნაბიჯები“,- განაცხადა სააკაშვილმა.