საქართველოს თავდაცვის მინისტრმა ირაკლი ალასანიამ, ასოცირების ხელშეკრულებით აღებული ვალდებულებების შესრულებისა და მონიტორინგის შესახებ ჟურნალისტების კითხვის საპასუხოდ განაცხადა, რომ საქართველომ უნდა გაითვალისწინოს იმ ქვეყნების რჩევები, რომლებმაც ევროკავშირში გაწევრიანების პროცესი უკვე გაიარეს:

"ამის შემდეგ იწყება რეალურად განხორციელება და ამოქმედება იმ შეთანხმების ნაწილების, რომელსაც გუშინ მოვაწერეთ ხელი. აქედან გამომდინარე, რაც მეტი საექსპერტო საზოგადოება იქნება ჩართული მონიტორინგში, იდეების შეთავაზებაში, რა თქმა უნდა, კიდევ მეტი დადებითი იმპულსია, რომ სწორად წარიმართება პროცესი. ასევე დარწმუნებული ვარ, რომ ეს პროცესი ძალიან სწრაფი და რეალური იქნება", - აღნიშნა ირაკლი ალასანიამ.