საქართველოს მიერ ევროკავშირთან ასოცირების ხელშეკრულების გაფორმებას ოკუპირებული აფხაზეთის ე.წ. პრეზიდენტი რაულ ხაჯიმბა ეხმაურება. ხაჯიმბას განცხადებით, მიუხედავად საქართველოს მიერ ასოცირების ხელშეკრულების ხელმოწერისა, აფხაზეთი უნდა დაკავდეს "სამხრეთ საზღვრის გაძლიერებით" და რუსეთთან ინტეგრაციით, როგორც "ქვეყნის დამოუკიდებლობის გარანტიით":

"საქართველოს ევროკავშირთან ასოცირების ხელშეკრულება აფხაზეთის შიდაპოლიტიკურ ვითარებაზე პირდაპირ გავლენას ვერ მოახდენს. გარდა ამისა, საქართველოს შიდაპოლიტიკური ვითარება მისი დასავლელი მოკავშირეების სრულ კონტროლქვეშაა. ეს კი გვკარნახობს ადეკვატური ზომების მიღების აუცილებლობაზე უსაფრთხოების უზრუნველყოფის და აფხაზეთის ეკონომიკური ინტერესების დაცვის კუთხით", - აცხადებს ხაჯიმბა.